Гэрэлт зул хөөргөх ёслол боллоо

Өчигдөр буюу зуны эхэн сарын шинийн 15-ны билэгт сайн өдөр 19:00 цагт Төв цэнгэлдэх хүрээлэнд бүх нийтийн гэрэлт зул өргөх ёслол боллоо. Зул өргөх ёслолыг “Сэтгэлийн амарлил” сангаас Тайланд улсын Даммакаяа сантай хамтарч жил бүр уламжлал болгон зохион байгуулсаар иржээ. Энэ ёслолд оролцохоор ирсэн хүмүүст зулаа хөөргөхөд нь туслах болон зааварчилгаа өгч ажиллах 500 гаруй сайн дурын оюутан, залуучууд ажилласан байна. Гэрэлт зулыг оролцогчид худалдаж авдаггүй бөгөөд зохион байгуулагч байгууллагаас нь өгдөг юм байна.