Гиннесийн 60 жилийн ойн номд монгол морьтны амжилт багтлаа

Энэ жил Гиннесийн амжилтын түүхт 60 жилийн ойд зориулан хэвлэгдсэн тусгай номонд монгол түмний үзүүлсэн сүрт морьтны их жагсаал, үндэсний хурдан морины уралдаан зэрэг нь дээд амжилт болж орсон байна.

Монголд “Адууны яам” байгуулсаны 750 жилийн ойг тэмдэглэх, монголчуудын адууг эдлэх соёл, Монголын үндэсний хурдан морины уралдаан, морь унаач хүүхдийн авхаалж самбааг дэлхий нийтэд сурталчлан таниулах үүднээс Монголын морин спорт, уяачдын холбоо /ММСУХ/-ноос 3000 монгол морийг нэгэн зэрэг гараанаас уралдуулж, 10 мянган морьтон монголчуудын их жагсаалыг зохион байгуулсан юм.