Голд урссан иргэдийг аварчээ

Булган аймгийн Сэлэнгэ сумын 5 дугаар багийн “Баньдийн арал” гэдэг газар Сэлэнгэ мөрөнд гүүр барьж байсан хоёр иргэн хөвдөг гүүрний хэсгийн хамт тасраад урссан тухай дуудлага зургаадугаар сарын 6-ны өдөр 14:45 цагт аймгийн Онцгой байдлын газарт ирсэн байна.Аврагчдыг очиход орон нутгийн иргэд гүүрийн хамт урсаж явсан тус сумын иргэн Б /40 настай, эрэгтэй/, “Хотгор зам” ХХК-ийн ажилтан С /28 настай, эрэгтэй/ нарыг уснаас гаргаж амь насыг нь аварсан байжээ.Хоёр иргэний биеийн байдал нь хэвийн. Аврагчид гүүрийг уснаас гаргах ажиллагаа зохион байгуулан ажиллаж байна.