Говьсүмбэр аймагт боловсролын цөм хөтөлбөр амжилттай хэрэгжиж байна
Боловсролын цөм хөтөлбөр гэдэгт шинжлэх ухааны тоо теоромыг шууд цээжлүүлэхээс илүүтэй хүний амьдралтай уялдуулан зааж сургахыг зорьдог.
Мэдээллийн алба
Говьсүмбэр аймгийн тэргүүний багш нарын туршлагыг бусад аймаг, сумдын багш нарт дэлгэрүүлж эхэллээ. Боловсролын цөм хөтөлбөр гэдэгт шинжлэх ухааны тоо теоромыг шууд цээжлүүлэхээс илүүтэй хүний амьдралтай уялдуулан зааж сургахыг зорьдог.
Тухайлбал, химийн элементийн үелэх системийг хуурай цээжлүүлснээс хоол хүнс, эз зүйлсэд агуулагдах байдлаар нь тайлбарлах нь сургалтад илүү өгөөжтэй. Энэ байдлаар Говьсүмбэр аймгийн лабортори тавдугаар сургуулийн хувьд л гэхэд багш нараа багаар ажиллуулж, хичээлийг дадлага талаас нь заах арга туршлагуудыг хуримтлуулж чадсан гэдэг үнэлгээг салбарын яамнаасаа авсан байна.
Багш нараас гадна цөм хөтөлбөрийн хэрэгжилтэд эцэг эхийн оролцоо, нутгийн засаг захиргааны дэмжлэг хангалттай “Маш сайн” гэдэг үнэлгээг тус аймаг авчээ.
Мөн Говьсүмбэр аймаг 2015 оны Орон нутгийн хөгжлийн сангийн хөрөнгөөр Багш нарынхаа ажлыг индексжүүлэн дүгнэж, судлагдахуун тус бүрээр нь хамгийн шилдэг багш нарыг шалгаруулан хоёр сая төгрөгөөр шагнажээ.
