Ипотекийн зээлийг 3 хоногийн дотор шийдвэрлэж байна

“Зээлийн батлан даалтын сан”-гаас Ипотекийн зээлийг 3 хоногийн дотор шийдвэрлэж байна.

“Зээлийн батлан даалтын сан”-гаас банк санхүүгийн байгууллагаар дамжуулан, 21 аймагт ипотекийн 3 хувийн хүүтэй зээл авах иргэдийн урьдчилгаа төлбөрт батлан даалт гаргаж байна.

21 аймагт орон сууц худалдан авч байгаа иргэдэд 100 сая хүртэлх төгрөг олгоно. Зээлийн хүү эхний гурван жил 3 хувь байх юм. Батлан даалт гаргуулсан иргэд жил бүр батлан даалтын үлдэгдэл дүнгийн 1 хувийн шимтгэл төлнө. Батлан даалтын хураамж нь 10 мянган төгрөг байх юм гэж “Зээлийн батлан даалтын сан”-гийн Орон нутгийн удирдлагын газрын дарга н.Батзогсох ярилаа.

Mongolian National Radio · Ипотекийн зээлийг 3 хоногийн дотор шийдвэрлэж байна

Ипотекийн 3 хувийн хүүтэй орон сууцны зээлийн урьдчилгаа төлбөрт гаргах батлан даалттай зээлийг Төрийн банк, Худалдаа хөгжил, Хаан, Капитрон, Хас, Богд, Ариг, Транс, Кредит гэсэн банкуудаар дамжуулан олгож байна.