“Жаргалтай айл манайх” тоглолтод ТҮК-ийн 70 ажилтанг урьжээ

Дуучин Б.Болд, Э.Чулуунчимэг нарын “Жаргалтай айл манайх” бие даасан тоглолт энэ сарын 14, 15-нд Монгол бөхийн өргөөнд болно. Хоёр жилийн өмнө тэдний анхны “Илбэе” тоглолт Монгол бөхийн өргөөнд хоёр хоног болж байсан бол энэ удаад анхны тоглолтоосоо илүү сонин содон зүйлсийг үзэгчдэдээ толилуулахаар бэлджээ. Мөн Б.Болд, Э.Чулуунчимэг нар нийслэлийнхээ цэвэр цэмцгэр байдлын төлөө халуун хүйтнийг ажралгүй цаг, наргүй ажиллаж байдаг тохижилт үйлчилгээний компанийн 70 ажилтанг урьж үзүүлэх юм.