Жүдо бөхийн насанд хүрэгчдийн ангилалд зохион байгуулдаг “Топ-6” эхэллээ

Монголын жүдо бөхийн холбооноос насанд хүрэгчдийн ангилалд зохион байгуулдаг “Топ-6” цувралын хоёр дахь тэмцээн “UG Arena”-д эхэллээ.

Жүдо бөхийн спортыг олон нийтэд сурталчлах, тамирчдаа алдаршуулах, ирээдүйн шилдгүүдийг бэлтгэх зорилготой энэ тэмцээний шагналын сан нь 100 сая төгрөг юм. Тэмцээнд 25 байгууллагын 84 жүдоч эрэгтэй, эмэгтэй тамирчид долоон жинд өрсөлдөж байна.