К.Роналду Бээжин хотод ирээд байна

Испанийн эзэн хааны "Реал Мадрид" клуб болон Португалийн шигшээ багийн супер од, дэлхийн 4 удаагийн шилдэг хөлбөмбөгчин Криштиану Роналду БНХАУ-ын нийслэл Бээжин хотноо хүрэлцэн ирж, өөрийн хөгжөөн дэмжигчид, шүтэн бишрэгчидтэйгээ уулзалт ярилцлагыг хийсэн байна. Тэрээр энэ үеэрээ цаашдаа илүү олон гоол оруулж, олон олон цомуудыг хүртэхийг хүсэж байгаагаа илэрхийлжээ. Өдгөө 32 настай Роналду энэ сарын хугацаанд амрах бөгөөд ирэх 8-р сарын 5-нд клубтэйгээ нэгдэж, шинэ улирлын бэлтгэлдээ гарахаар товлоод байгаа юм.