Калифорнийн ой хээрийн түймрийн улмаас онц байдал зарлалаа

АНУ-ын баруун хэсгийн Калифорни мужид гарсан түймэр газар авсны улмаас онц байдал зарлаж, 6000 гаруй хүнийг нүүлгэн шилжүүлээд байгаа юм.

Мужийн эрх баригчдын мэдээлснээр гал баасан гарагийн үдээс хойш Йосемит үндэсний цэцэрлэгт хүрээлэнгийн ойролцоо эхэлсэн бөгөөд бямба гараг гэхэд ойролцоогоор 48 километр квадрат талбай шатжээ.