Хамтын ажиллагааны санамж бичигт гарын үсэг зурна

Төрийн ордны нэгдүгээр давхрын ёслолын танхимд Хөдөлмөрийн яам, "Оюутолгой" компани, Германы Олон улсын хамтын ажиллагааны нийгэмлэг GIZ гурав хамтын ажиллагааны санамж бичигт гарын үсэг зурна. Монголын мэргэжлийн боловсролын салбарт төдийгүй хөдөлмөрийн зах зээлд хамаатай 2019 он хүртэл хамтрах санамж бичигт Хөдөлмөрийн сайд Г.Баярсайхан, "Оюутолгой" ХХК-ийн Ерөнхийлөгч Эндрю Вүүдлий, GIZ-ийн суурин төлөөлөгч Улрике Эбелинг нар гарын үсэг зурж баталгаажуулах юм байна. Тэд юугаар туслах, бид ямар үүрэг хүлээж байгааг энэ үеэр дэлгэрэнгүй танилцуулах аж.