ХБНГУ-д болох үзэсгэлэнд Монголын 22 уран бүтээлч оролцоно
Үзэсгэлэнд 102 улсын 3000 гаруй уран бүтээлч бүртгүүлжээ. Энэ жилийн онцлох орноор Франц улс шалгарсан. Мөн "НордАрт" тусгай хөтөлбөрийн хүрээнд Хятад, Монгол Улсын бие даасан павильонууд Германд зочилно.
Мэдээллийн алба
Дэлхийн өнцөг булан бүрээс шалгарсан 200 гаруй уран бүтээлчийн уран зураг, баримал, фото зураг, инстоляци чиглэлийн бүтээлээс бүрдсэн "НордАрт-2019" үзэсгэлэн ХБНГУ-д 21 дэх удаагаа зохиогдох гэж байна.
Үзэсгэлэн ирэх тавдугаар сарын 31-нээс аравдугаар сарын 13-ний өдрүүдэд үргэлжилнэ.
Нэр хүнд өндөртэй энэхүү үзэсгэлэнд Монголын 22 уран бүтээлч оролцохоор шалгуур хангаад байна.
Үзэсгэлэнд 102 улсын 3000 гаруй уран бүтээлч бүртгүүлжээ. Энэ жилийн онцлох орноор Франц улс шалгарсан. Мөн "НордАрт" тусгай хөтөлбөрийн хүрээнд Хятад, Монгол Улсын бие даасан павильонууд Германд зочилно.
2019 онд "НордАрт" болон Монгол Улсын хамтын ажиллагааны 5 жилийн ой, Монгол Улс, ХБНГУ-н хооронд дипломат харилцаа үүсч хөгжсөний 45 жилийн ой тохиож байгаа юм.
