"Хойд урд 1088" анхдугаар аяллын багийнхан аялалаа үргэлжлүүлж байна

МҮОНРТ-ийн санаачилгаар Олон улсын унадаг дугуйн аяллын холбоо, Монгол-Оросын хувь нийлүүлсэн “УБТЗ” нийгэмлэг хамтран Монгол Улсын хойд хилийн Алтанбулагаас урд хилийн Замын-Үүд боомт хүртэл 1088 километрийн “North South 1088” анхдугаар аяллыг зохион явуулж байна.

Мэргэжлийн тамирчин биш ч гэсэн дугуй унах сонирхлоороо нэгдсэн есөн хүн энэ сарын 1-нээс аяллаа эхлүүлсэн. Тэд арваннэгдүгээр сарын 11-ний өдрийг хүртэл аялалаа үргэлжлүүлнэ.

Дугуй унах нь стресс ядаргаа тайлахаас гадна зүрх, уушгины үйл ажиллагаа сайжруулж, чихрийн шижин, цусны даралт нэмэгдэхээс урьдчилан сэргийлж, илүүдэл жин багасгах ач тустай.