Хөгжлийн бэрхшээлтэй иргэд ажлын байртай болохыг хүслээ

Хөгжлийн бэрхшээлтэй иргэд ажлын байртай болохыг хүсэж байгаагаа илэрхийллээ. Зөвхөн Хэнтий аймгийн хэмжээнд 3700 гаруй хөгжлийн бэрхшээлтэй иргэн байгаа. Харамсалтай нь ажлын байр олддоггүй тул дээрх иргэдийн дийлэнх нь гэртээ суухад хүрдэг байна. Төрөөс хөгжлийн бэрхшээлтэй иргэдийг хөдөлмөр эрхлүүлэх тал дээр анхаарч байгаа хэдий ч төдийлөн ажил хэрэг болохгүй байна гэж Хэнтий аймгийн Хөгжлийн бэрхшээлтэй иргэдийн холбооны тэргүүн н.Ургамалсувд хэллээ.