Хөгжмийн зохиолчдын ээлжит чуулган болно

Монголын хөгжмийн зохиолчдын холбооны ээлжит XYII чуулган ирэх оны нэгдүгээр сарын 5-нд Монгол Улсын Консерваторийн концертын “А” танхимд болох гэж байна.

Тус чуулганаар 2019-2023 оны ажлын тайлан тавигдахаас гадна ерөнхийлөгчөө сонгох аж. Мөн удирдах зөвлөлийн гишүүдээ сонгож, орон нутаг дах хөгжмийн зохиолчдын холбооны салбарын төлөөлөгчид саналаа хэлэх юм байна.

Тус холбооны ээлжит XIV чуулганаар ерөнхийлөгчөөрөө Готовцэрэнгийн Батхуягийг сонгосон билээ.

Түүнтэй Монгол Улсын ардын жүжигчин, төрийн хошой шагналт Н.Жанцанноровын хүү Дамдинсүрэн, урлагийн гавьяат зүтгэлтэн, хөгжмийн зохиолч Т.Сэр-Од нар өрсөлдөж байв.

Сонирхуулахад, нэрт хөгжмийн зохиолч С.Гончигсумлаа агсан орчин цагийн хөгжмийн байгууллагын тулгын чулууг тулж, Монголын хөгжмийн зохиолчдын холбоог үүсгэн байгуулан анхны ерөнхийлөгчөөр ажиллаж байжээ.