“Хөх мөнгөн Алтай” үзэсгэлэнгийн нээлт болно

Монголын урчуудын эвлэлийн тэргүүний ажилтан, ахмад зураач Ш.Чулуудай “Хөх мөнгөн Алтай” уран бүтээлийн бие даасан үзэсгэлэнгээ гаргахаар болжээ. Түүний үзэсгэлэнгийн нээлт энэ сарын 31-нд 16:00 цагаас МУЭ-ийн Арт галерейд болно. Байгалийн зургийн мастер гэгддэг Ш.Чулуудай 1964 оноос Монголын урчуудын эвлэлд зураачаар ажиллаж, 1976 оноос үзэсгэлэнд оролцож эхэлсэн юм. Түүний үзэсгэлэн ирэх сарын 7-ныг дуустал үзэгчдэд хүрэх юм байна.