Хөлбөмбөгийн Азийн цомын тэмцээн үргэлжилж байна

Азийн Хөлбөмбөгийн Холбооноос зохион байгуулдаг Азийн цомын 16 дахь тэмцээн нэгдүгээр сарын 9-31-ний хооронд Австрали улсад зохион байгуулагдаж байна. Энэ тэмцээний цомын эзэн баг 2017 онд ОХУ-д болох Олон Улсын хөлбөмбөгийн холбооны холбоодын цомын тэмцээнд оролцох эрхтэй болно.

Азийн цомын тэмцээний эцсийн шатанд шалгарахаар тус тивийн 44 улсын шигшээ баг өрсөлдсөнөөс Япон, Өмнөд Солонгос, Иран тэргүүтэй шилдэг 16 улсын шигшээ баг Австрали улсад хүрэлцэн иржээ.

Шилдэг 16 баг дөрвөн хэсэгт хуваагдан өрсөлдөж буй тэмцээнд Австралийн шигшээ баг “А” хэсгийг толгойлон эхний тоглолтоо Кувейтын шигшээ багтай хийж 4:1-ээр буулган авчээ.Харин энэ хэсгийн нөгөө хоёр баг болох Өмнөд Солонгос болон Оманы шигшээ багуудын тоглолт 1:0-ээр өндөрлөж Солонгосчуудын хожлоор өндөрлөсөн байна.