Хүндийн өргөлтийн 170 гаруй тамирчин аваргаа тодруулж байна

Спортын төв ордны 'А' зааланд 'Turkish Airlines' компанийн нэрэмжит хүндийн өргөлтийн залуучуудын аварга шалгаруулах тэмцээн өчигдөр эхэллээ. 2017 оны залуучуудын УАШТ-д 15 багийн 170 гаруй тамирчин эрэгтэй, эмэгтэй тус бүр долоон жинд аваргуудаа тодруулж байна.

Тэмцээний эхний өдөр эмэгтэйчүүдийн 48, 53, 58, 63 кг, эрэгтэйчүүдийн 50, 56, 62 кг-ын жингийн аваргууд тодорлоо. Өнөөдөр эмэгтэйчүүдийн 53 кг-д “Алдар” спорт хорооны тамирчин Г.Баасанжаргал огцом өргөлтөөр улсын рекордыг 77 кг болгон шинэчлэн тогтоолоо. Мөн энэ жинд өрсөлдсөн “Хилчин” спорт хорооны тамирчин О.Алтан-Од огцом, түлхэлттэй өргөлтийн нийлбэр дүнгээр 118 кг өргөсөн амжилтаар спортын дэд мастер цолны болзол хангажээ.

Өчигдөр энэ долоо хоногт Японы Токиод болсон залуучуудын ДАШТ-д амжилттай оролцсон тамирчид өрсөлдлөө. Тодруулбал, “Токио 2017” залуучуудын ДАШТ-ий эмэгтэйчүүдийн 53 кг-д ОУХМ Б.Золбоо, Ч.Нямзул, 63 кг-д Г.Анужин нар өрсөлдсөн. Тэднээс залуучуудын УАШТ-д Б.Золбоо 48 кг, Г.Ануужин 63 кг-д түрүүлсэн бол Ч.Нямзул 53 кг-д мөнгөн медаль хүртлээ.

Г.Анужин энэ жилийн 'Токио-2017' залуучуудын ДАШТ-д 63 кг-д огцом өргөлтөөр 92 кг-ыг өргөж, V байрт орсон билээ. Тэрбээр 97 кг-ыг өргөсөн бол хүрэл медаль хүртэх байсан юм.

Тэмцээний эхний өдрийн дүнг танилцуулья:

Эмэгтэй:

48 кг:

1. ОУХМ Б.Золбоо /Аврагч/ - 149 кг /81+68/

2. О.Төгс-Эрдэнэ /”Аврагч”/ - 87 кг /42+45/

3. Б.Лхагважаргал /”Алдар”/ - 69 кг /33+69/

53 кг:

1. ОУХМ Г.Баасанжаргал /Алдар/ - 164 кг /77+87/ Огцом өргөлтөөр залуучуудын улсын рекордыг шинэчлэн тогтоолоо

2. Ч.Нямзул /Аврагч/ - 151 кг /71+80/

3. Б.Тунгалаг /ТСБТСДС/ - 128 кг /58+70/

58 кг:

1. ОУХМ Б.Мягмарцэрэн /Алдар/ - 172 кг /80+92/

2. Спортын мастер Б.Хонгорзул /Алдар/ - 140 кг /63+77/

3. К.Айнур /Алдар II/ - 96 кг /44+96/

63 кг:

1. ОУХМ Г.Ануужин /Аврагч/ - 197 кг /92+105/

2. ОУХМ Э.Энхтамир /Алдар/ - 161 кг /75+86/

3. Спортын мастер Э.Бурмаа /Алдар/ - 155 кг /70+85/

ЭРЭГТЭЙ:

50 кг:

1. Ц.Төртогтох /Хилчин/ - 143 кг /63+80/

2. Нямхишиг /Дархан/ - 137 кг /60+77/

3. Б.Лувсандамба /Өвөрхангай/ - 137 кг /61+76/

56 кг:

1. О.Далдансамбуу /Өвөрхангай/ - 191 кг /85+106/

2. Г.Өнөболд /Алдар/ - 187 /83+104/

3. У.Баярхүү /Алдар II/ - 156 /71+85/ тус тус медальт байрт шалгарлаа.

62 кг:

1. Спортын дэд мастер Б.Ууганбаатар /Алдар/ - 226 кг /106+120/

2. Б.Нямбаатар /Алдар/ - 180 кг /80+100/

3. Н.Дөлгөөн /ТСБТСДС/ - 157 кг /72+85/

Тэмцээний сүүлийн өдөр өнөөдөр бөгөөд хүнд жингийн тэмцээнээр өндөрлөнө.