“Хурд”, “Никитон” хамтлаг хамтарч “Нүргээн” үүсгэнэ

Рок поп урлагийн акулууд хэмээн нэрлэгддэг “Хурд”, “Никитон” хамтлагийн уран бүтээлчид хамтарч “Нүргээн” тоглолтоо ирэх арванхоёрдугаар сарын 9, 10-нд хийхээр болжээ.

Монголын хөгжмийн урлагийн хоёр том хамтлагийн фэнүүд хоёр өдөр дуртай дуугаа “Улаанбаатар” паласт сонсож доргих нь.

Сонирхуулахад “Никитон” хамтлаг 1993 онд байгуулагдсан, Монголын арт рок хамтлаг юм.

Харин “Хурд” хамтлаг 1987 онд Төмөр замын вагон депогийн ажилчин хэсэг залуусын дунд хөгжим сонирхогчийн хэмжээнд байгуулагдаж, уран бүтээлээ туурвиж эхэлсэн билээ.