Хурдан азарганы уралдааныг Д.Баянбатын "Наран" хонгор азарга өнгөлж явна

Тулгар төрийн 2227 жил, Их Монгол Улс байгуулагдсаны 812 жил, Үндэсний эрх чөлөө, тусгаар тогтнолоо сэргээн мандуулсны 107 жил, Ардын хувьсгалын 97 жил, Ардчилсан хувьсгалын 29 жил, Үндэсний их баяр наадмын хурдан азарганы уралдаан "Хүй долоон худаг"-т болж байна.

Газар газрын шандаст хурдан 199 азарга хурд хүчээ сорин уралдаж байна. Төв аймгийн Баянцагаан сумын харьяат, аймгийн алдарт уяач Даваахүүгийн Баянбатын "Наран" хонгор азарга өнгөлж явна.