Хүүхдийн амьсгалыг хэрхэн тоолох вэ
Та хүүхдээ уйлаагүй, хөхүүлээгүй, тайван үед амьсгалыг 1 минутын турш тоолоорой. Унтаж байвал бүр сайн. Ингэхдээ секундын зүүтэй, эсвэл электрон цаг ашиглана.
Мэдээллийн алба
Хүүхдийн амьсгалын тоо 1 минутанд хэвийнхээсээ олон болохыг амьсгал олшрох гэнэ. Үүнд:
-2 сар хүрээгүй хүүхдэд 60 ба түүнээс олон
-2-12 сар хүртэлх хүүхдэд 50 ба түүнээс олон
-12 сараас 5 нас хүртэлх хүүхдэд 40 ба түүнээс олон болно.
Цээж хонхолзох гэдэг нь амьсгал авах үед хэвлий төмбийж байхад өрцний хэсгээр цааш хонхойхыг хэлнэ.
Та хүүхдээ уйлаагүй, хөхүүлээгүй, тайван үед амьсгалыг 1 минутын турш тоолоорой. Унтаж байвал бүр сайн. Ингэхдээ секундын зүүтэй, эсвэл электрон цаг ашиглана. Хүүхдийн хэвлий дээр гараа зөөлөн тавьж, амьсгал авахад хэвлий төмбийж, гаргах үед хонхойх ба үүнийг 1 амьсгал гэж тоолохыг анхаараарай. Хатгалгаа өвчний шинж илэрвэл эмнэлэгт яаралтай хандах хэрэгтэй.
