Лаос Улсаас Монгол Улсад суугаа Элчин сайд Сиалунгкон Сэнг-Үтоныг хүлээн авч уулзав

Гадаад харилцааны сайд Д.Цогтбаатар Лаос Улсаас Монгол Улсад суугаа Элчин сайд Сиалунгкон Сэнг-Үтоныг үүрэгт ажлаа дуусгаж, нутаг буцахтай нь холбогдуулан ГХЯ-нд хүлээн авч уулзав. Элчин сайд Сиалунгкон Сэнг-Үтон Монгол, Лаосын харилцааг өргөжүүлэх үйл хэрэгт 20 гаруй жил хүчин зүтгэснийг өндрөөр үнэлж, Монгол Улсын Ерөнхийлөгчийн зарлигаар Төрийн дээд шагнал “Найрамдал” медалиар шагнасныг Гадаад харилцааны сайд Д.Цогтбаатар тус уулзалтын үеэр гардуулав.

Мөн уулзалтаар хоёр улсын хооронд дээд, өндөр түвшний яриа хэлэлцээг тогтмолжуулах, хоёр улсын харилцааг улс төр, батлан хамгаалах, худалдаа, эдийн засаг, боловсролын салбарт улам өргөжүүлэх болон олон улсын тавцанд түлхүү хамтран ажиллах талаар санал солилцов.