М.Хишигмаа хүрэл медалийн төлөөх барилдаан хийнэ

Бөхийн төрлүүдийн 23 хүртэлх насны ДАШТ Румыний нийслэл Бухарестэд үргэлжилж байна. Чөлөөт бөхийн эмэгтэйчүүдийн 68 кг-ын жинд Хөлөнбуйрын ОУТ-ий алт, хүрэл, УАШТ-ий мөнгө, хошой хүрэл медальт, “Арслан” клубийн тамирчин, спортын мастер М.Хишигмаа Румыний Анна Симона Буйбар, Унгарын Николетта Смолкаг тус бүр цэвэр ялсан.

Тэгвэл хагас шигшээд залуучуудын ДАШТ-ий хүрэл медальт Японы Мива Морикаватай таарч 0:2 харьцаатай ялагдсан. М.Хишигмааг хүрэл медалийн төлөөх барилдаан хүлээж байна.