М.Нандинцэцэг ДАШТ-ий хүрэл медалийн болзол хангалаа

Сонирхогчдын боксын насанд хүрэгчдийн ДАШТ Энэтхэг улсын нийслэл Шинэ Дели хотноо зохион байгуулагдаж билээ. Тус тэмцээнд 73 улсын 333 боксчин хүч үзэж байгаа. Тэгвэл эл ДАШТ-д эх орноо төлөөлөн 54 кг-д оролцож буй Азийн наадмын хүрэл медальт, улсын 11 удаагийн аварга М.Нандинцэцэг өнөөдөр Мароккогийн боксчин Зохра Эз-Захроуг ялж, хүрэл медалийн болзол хангалаа.

Тэрбээр ийн Монголын эмэгтэй ширэн бээлийтнүүдээс дэлхийн аваргын анхны медалийг хүртэж байна. М.Нандинцэцэг медалийнхаа өнгө хувиргах тулаанаа Болгарын боксчин Стойка Петроватай хийнэ.