"Майми Хит" мөн л хожигдов
NBA-гийн 2014-2015 оны улирлын өмнөх тоглолтуудыг мэдээлж байна. Өчигдөр болсон таван тоглолтын нэг нь "Майми Хит", "Клевленд Кавалерс" багийн тоглолт болно.
Мэдээллийн алба
НБА-гийн 2014-2015 оны улирлын өмнөх тоглолтуудыг мэдээлж байна. Өчигдөр болсон таван тоглолтын нэг нь "Майми Хит", "Клевленд Кавалерс" багийн тоглолт болно. Эхний хагаст 58-44 харьцаагаар "Кавалерс" тэргүүлсэн ч тоглолтын сүүлийн хагаст "Хит"-ийн сэлгээний тоглогчид онооны харьцааг 105-105 харьцаагаар тэнцүүлжээ.
Харин нэмэлт цагт хоёр баг өгөө аваатай гайхалтай тоглож байсан. Эцсийн мөчид "Хит"-ийн шидэлтүүд оновчгүй болсноор 122-119 харьцаагаар "Клевленд" хожлоо. Урьдчилсан тоглолтод "Клевленд Кавалерс" одоогийн байдлаар хоёр тоглож хоёуланд нь хожсон бол "Майми Хит" гурав тоглож бүгдэнд нь хожигджээ.
