Манай улсад ял эдлэж байсан солонгос иргэнийг шилжүүлжээ

Тахарын алба өчигдөр Монгол Улс, Бүгд найрамдах Солонгос улс хооронд 2007 оны тавдугаар сарын 29-ний өдөр байгуулсан “Ялтан шилжүүлэх тухай” гэрээний дагуу манай улсад ял эдлэж байсан солонгос иргэнийг өөрийн улсад нь хүлээлгэн өглөө. Ялтан шилжүүлэх ажиллагааг БНСУ-ын иргэн Жон Те Сонын өөрийн гаргасан хүсэлт болон холбогдох байгууллагуудын зөвшөөрөлд үндэслэн гүйцэтгэсэн аж. Тахарын албаны хувьд БНСУ-ын холбогдох албан тушаалтнуудад хүлээлгэж өгөх ажлыг Буянт-Ухаа агаарын боомтоор зохион байгуулсан юм.

Дашрамд дурдахад, өнгөрсөн аравдугаар сарын 22-нд Тахарын албанаас ОХУ-ын гурван ялтныг шилжүүлсэн билээ.