Мандал суманд гарсан ой хээрийн түймрийг бүрэн унтраалаа

Сэлэнгэ аймгийн Мандал сумын Тарни багийн “Улаанбулаг” гэдэг газар ой, хээрийн түймэр гарсан тухай дуудлага өчигдөр 15:40 цагт аймгийн Онцгой байдлын газарт иржээ.

Сумын төвөөс зүүн хойд зүгт 30 км-т орших газарт гарсан энэ түймрийг унтраахаар аймгийн Онцгой байдлын газрын Гал түймэр унтраах, аврах 19 дүгээр ангийн 13 албан хаагч, орон нутгийн 20 иргэн, нийт 33 хүн, 4 техник хэрэгсэлтэйгээр ажиллаж, 2017.03.27-ны өдрийн 19:02 цагт түймрийг цурамд оруулсан байна.

Харин гуравдугаар сарын 28-ны 03:00 цагт түймрийг бүрэн унтрааж, тус сумын Байгаль орчны улсын байцаагчид хүлээлгэн өгчээ. Түймэрт нийт 3.3 орчим га талбай өртсөн харамсалтай мэдээ байна.