Маргаашнаас шилжилт хөдөлгөөнийг зогсооно

Монгол Улсын Ерөнхийлөгчийн сонгуультай холбогдуулан маргаашаас шилжилт хөдөлгөөнийг орон даяар зогсоож байна. 2017 оны зургаадугаар сарын 27-ны өдрийг дуустал буюу 60 хоногийн хугацаанд улсын хэмжээнд иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг зогсоох юм.

Сонгуулийн тухай хуулийн заалтаар “Иргэдийн засаг захиргааны нэг нэгжээс нөгөө нэгжид шилжин суурьших хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдөр сэргээнэ” гэж заасан байдаг байна.