Маркус Рэшфорд ДАШТ-д бэртэлтэй иржээ

Английн хөлбөмбөгийн шигшээ багийн довтлогч Маркус Рэшфорд ОХУ-д бэртэлтэй ирсэн байна.

Тамирчин залуу ДАШТ-д оролцохоор явахаасаа өмнө хийсэн сүүлийн бэлтгэл дээр гэмтэл авсан аж. Өчигдөр орой Английн шигшээ баг Оросын Санкт-Петербург хотноо газарджээ.

Өнөөдөр тэд нээлттэй бэлтгэл, сургуулилт хийхээр төлөвлөсөн бөгөөд Рэшфорд үүнд оролцохгүй байж мэднэ. Ахлах дасгалжуулагч Гарет Саутгэйт түүний бэртлийг тийм ч ноцтой биш, Маркусыг Дэлхийн аваргад оролцох боломжтой хэмээн найдаж байгаа юм. Гэхдээ эцсийн хариуг өнөөдөр хийгдэх шинжилгээгээр мэдэх боломжтой гэнэ.