Микро автобусууд оройн цагаар 1000-1500 төгрөг иргэдээс нэхэж байна

Микро автобус хот дотор 500 төгрөгийн тарифаар үйлчлэх ёстой. Гэтэл энэ тарифыг мөрдөхгүй оройн цагаар 1000-1500 төгрөг иргэдээс нэхэж байна гэх гомдол Нийслэлийн тээврийн газарт ирдэг байна.

Бага багтаамжийн автобус буюу микро автобусаар үйлчилгээ үзүүлдэг таван аж ахуй нэгж гэрээний дагуу хот дотор 500 төгрөгөөр зорчигчдод үйлчилдэг гэж Нийслэлийн тээврийн газрын Тээврийн төлөвлөлт, технологийн хэлтсийн ахлах мэргэжилтэн Б.Дөлгөөн ярилаа.

Иргэд нийтийн тээвэртэй холбоотой санал, гомдлоо Нийслэлийн тээврийн газрын 32-63-52 дугаарт холбогдож өгөх боломжтой юм байна.