МХБХ-ны "Д" зэрэглэлийн дасгалжуулагчийн сургалт өндөрлөлөө

МХБХ болон МУБИС-н хоорондын хамтын ажиллагааны хүрээнд тус сургуулийн багш арга зүйч, биеийн тамирын багшийн хөтөлбөрийн оюутнуудад “Д” зэрэглэлийн сургалтыг МХБХ-ны техникийн хэлтсээс онол, практик хосолсон хөтөлбөрийн дагуу зохион байгуулж амжилттай өндөрлөлөө.

Энэхүү сургалт нь 2023 оны эхний “Д” зэрэглэлийн дасгалжуулагчийн сургалт бөгөөд МХБХ-ны сургагч багш, АХБХ-ны дасгалжуулагчийн “B” зэрэглэлтэй Б.Ганбат, Б.Анар нар удирдан явууллаа.

Дашрамд дурдахад МХБХ-ны техникийн хэлтсээс хаалгачийн дасгалжуулагч болох хүсэлтэй хаалгачдад зориулсан “Д” зэрэглэлийн сургалтыг ирэх тавдугаар сарын эхний долоо хоногт дахин зохион байгуулах аж.