“Монгол гэр” үзэсгэлэн үргэлжилж байна

Д.Сүхбаатарын талбайд энэ сарын 4-12-ныг дуустал “Монгол гэр” үзэсгэлэн үргэлжилнэ.

Үзэсгэлэнд “Монгол гэрийн уламжлалт урлал, зан үйл” өвийг сурталчлан таниулах, түгээн дэлгэрүүлэх зорилгоор “Соёлын боловсролын оролцоот хөтөлбөр”-ийг хэрэгжүүлж байна.

Өнөөдөр Төрөлжсөн асрамж, халамжийн төвийн хүүхдүүд соёлын боловсролын олон талт хөтөлбөрт оролцож, нэг өдрийг хөөр хөгжилтэй өнгөрүүллээ.

Соёлын боловсролын оролцоот хөтөлбөрт эдгээр хүүхдүүдийг хамруулахад Засгийн газрын хэрэгжүүлэгч агентлаг Хүүхэд, гэр бүлийн хөгжил, хамгааллын ерөнхий газар хамтран ажиллалаа хэмээн Соёл Урлагийн Газраас мэдээллээ.