"Монгол цам" үзэсгэлэн нээлтээ хийлээ

Соёлын бүтээлч сарын хүрээнд энэ сарын эхний өдөр Г.Занабазарын нэрэмжит Дүрслэх урлагийн музейд "Монгол цам" үзэсгэлэн нээлтээ хийлээ.

Тус үзэсгэлэнд XIX-XX зууны эхэн үеийн Их хүрээний нэртэй урчуудын бүтээсэн түүх, соёлын хосгүй үнэт дурсгалт зүйл болох Жамсран бурхны шүрэн баг, өмсгөл сэлтийн хамт иж бүрнээрээ, Цагаан өвгөний баг, цамын бусад хувцас зэрэг 90 гаруй үзмэрийг дэлгээд байна гэж Соёлын яамнаас мэдээллээ.