Монгол Улсын шигшээ баг АНЭУ-ын шигшээ багийг 10:2-оор буулган авлаа

“Мөсөн ордон”-д эхэлсэн шайбтай хоккейн U18 насны “Challenge Cup” тэмцээний хоёр дахь өдрийн тоглолтод Монгол Улсын шигшээ баг АНЭУ-ын шигшээ багийг 10:2-оор буулган авснаар хоёр дахь хожлоо байгууллаа.

Манай багаас Эмиратын эсрэг Б.Билгүүн 5, Д.Лхагвадорж, Б.Мөнхманлай, М.Чинзолбоо, Б.Дөлгөөн, Э.Ариунбилэг нар тус бүр нэг гоолоор өрсөлдөгчийнхөө хаалгыг мялаав.

Монголын хоккейчид гуравдугаар сарын 14-нд 17:00 цагт эхний хоёр тоглолтод өрсөлдөгчөө илт давуу хожоод буй Узбекистаны багтай гурав дахь тоглолтоо хийнэ.

Эх сурвалж: Биеийн тамир, спортын улсын хороо