Монгол Улсын шигшээ баг хүрлийн төлөө тоглоно

Монгол Улсад зохион байгуулагдаж буй “Улаанбаатар 2023” Зүүн Азийн Залуучуудын наадмын 3х3 сагсан бөмбөгийн тэмцээний эмэгтэйчүүдийн тоглолт болж өндөрлөлөө.

“Улаанбаатар 2023” Зүүн Азийн залуучуудын наадмын эмэгтэйчүүдийн 3х3 сагсан бөмбөгийн тэмцээний ээлжит тоглолт Монгол болон Хятадын шигшээ багуудын хооронд болж, Хятадын шигшээ баг 21-16 харьцаатай хожлоо.

Хятадын шигшээ баг аваргын төлөө Хятадын Тайванийн шигшээ багийн эсрэг тоглох бол Монгол Улсын шигшээ баг Хонконгийн шигшээ багтай хүрэл медалийн төлөө тоглохоор боллоо.