Монголын ахмадын чөлөөт холбоо 10 жилийн ажлаа тайлагналаа

10 жилийн өмнө бүрэн тэтгэврийн доод хэмжээ 32 мянган төгрөг байсан бол өнөөдөр 230 мянган төгрөг болсон. Мөн ахмад дайчид улиралд 240 мянган төгрөг авдаг байсан бол өнөөдөр сар бүр 200 мянган төгрөгийн тэтгэлэг авч байна.

Энэ бүгд Монголын ахмадын чөлөөт холбооны 10 жилийн тэмцлийн үр дүн гэж Ахмадын чөлөөт холбооны тэргүүн Г.Баасан ярилаа. Цаашид бид ахмадуудаа орон сууцтай болгох, тэтгэврийн зээлийн хүүг бууруулах гэх мэт олон ажил хийхээр төлөвлөж байна гэж тэрээр мэдээлж байна.

Энэ сарын 24-26-ны өдрүүдэд Ахмадын чөлөөт холбооны 10 жилийн ойд зориулсан үзэсгэлэн гаргахаар мөн төлөвлөж байгаа юм.