Монголын бүх ард түмний спортын XV наадмын буудлагын шигшээ тэмцээний медальтнууд тодров

Монголын бүх ард түмний спортын XV наадмын буудлагын шигшээ тэмцээнд багийн 50 (эрэгтэй 25, эмэгтэй 25) тамирчин хийн гар бууны 10 метрийн дасгалд өрсөлджээ. Ийн эрэгтэйчүүдийн ангилалд Чингэлтэй дүүрэг, “Хилчин” багийн тамирчин, залуучуудын ДАШТ-ий алт, хүрэл медальт Ш.Буянзаяа түрүүлэв.

Удаах байрт Баянзүрх дүүргийн тамирчин, Дэлхийн цомын хүрэл, Универсиад наадмын алт, мөнгө, хүрэл медальт, Азийн АШТ-ий хүрэл медальт Э.Даваахүү, Увс аймгийн тамирчин Универсиад наадмын мөнгө, хүрэл медальт Э.Бадамгарав нар орлоо.

Харин эмэгтэйчүүдийн хийн гар бууны 10 метрийн дасгалд Хан-Уул дүүргийн тамирчин, Азийн АШТ-ий хүрэл медальт Т.Гантуул алтан медаль хүртсэн бол Орхон аймгийн тамирчин Ц.Анударь, Багануур дүүргийн тамирчин Э.Хишигдэлгэр нар удаалав.