Монголын дөрвөн кино Зүүн Азийн үзэгчдэд хүрнэ

Монгол киног дэлхийд гаргах, сурталчлах зорилготой “Дижитал агуулга” компани монголын уран сайхны дөрвөн киног зохиогчийн албан ёсны эрхтэйгээр Зүүн Азийн нутаг дэвсгэрт DVD-ээр худалдаалж эхэлсэн байна. Тодруулбал, гавьяат жүжигчин, найруулагч Ө.Бат-Өлзийгийн “Маш нууц” (2015) бүтээл “Top secret”, Ж.Сэнгэдоржийн “Босуул” (2015) “Traitor”, Ө.Мөнгөнтулгын “Ороолон” (2016) “The Demon”, О.Эрдэнийн “Хоёулаа унтах уу” (2012) “Let’s make love” нэрээр Зүүн Азийн кино сонирхогч, үзэгчдэд хүрнэ.