Монголын гурван цаначин ДАШТ-д өрсөлдөнө

Гүйлтийн цанын 43 дахь удаагийн дэлхийн аварга шалгаруулах тэмцээн энэ сарын 21-нээс гуравдугаар сарын 5-нд Словенийн Планика хотод болно. Тус тэмцээнд Монгол Улсаас дасгалжуулагч Б.Баттулгын удирдлага дор, “Бээжин-2022” өвлийн олимпын наадамд эх орноо төлөөлөн оролцсон ОУХМ Батмөнхийн Ачбадрах, Ариунсанаагийн Энхтуул болон ОУХМ Энхбаярын Ариунтунгалаг нарын гурван тамирчин өрсөлдөхөөр маргааш эх орноосоо мордох юм байна.

Ташрамд дуулгахад, Планика хот Олон улсын цанын холбоо (FIS)-ны 2018 онд болсон 51 дэх удаагийн чуулганаар Норвегийн Тронхэм хоттой өрсөлдөж ялалт байгуулснаар тус ДАШТ-ийг зохион байгуулах эрх авчээ.