Монголын хоккейчид эхний хожлоо авлаа

Мексик улсын Мехико хотод шайбтай хоккейн насанд хүрэгчдийн III дивизионы ДАШТ дөрөвдүгээр сарын 25-наас тавдугаар сарын 5-ны хооронд болж байна.

Тэмцээнд Монгол, Мексик, БНАСАУ, Филиппин, Сингапур, Хонгконгийн хоккейчид өрсөлдөж байгаа бөгөөд манай улсаас ахлах дасгалжуулагч А.Мэргэн, дасгалжуулагч Н.Отгонбаяр, Н.Мишигсүрэн нарын удирдлага дор 21 тамирчин өрсөлдөж байна.

Тэд өчигдөр Филиппин улсын багийг 13:7-оор буулган авч тус тэмцээний эхний хожлоо авсан ба өнөөдөр Сингапур улсын багтай өрсөлдөнө гэж Биеийн тамир, спортын улсын хорооноос мэдээллээ.