Монголын пауэрлифтингчид Азийн аваргаас зургаан медальтай ирлээ

Хонгконг улсад пауэрлифтингийн Азийн аварга шалгаруулах тэмцээн өнөөдөр өндөрлөж, Монголын долоон тамирчин өрсөлдөхөд зургаа нь медалийн тавцанд гарчээ.

Тэмцээний эхний өдөр мастер ангиллын 74 кг-ын жинд О.Батбилэг нийлбэр дүнгээр алтан медаль хүртсэн байна.

Харин хоёр дахь өдөр нь насанд хүрэгчдийн 93 кг-д М.Галсайхан алт, Бямбасүрэн мөнгөн медаль хүртсэн бол сүүлчийн өдөр өсвөрийн -105 кг-д М.Билгүүн, -120 кг-д Д.Дөлгөөн, залуучуудын -120 кг-д Д.Дашням хүрэл медаль хүртжээ.

Баг тамирчдыг "Стронг" клубын дасгалжуулагч Б.Гантулга дасгалжуулж оролцов.