Монос- Нисэх-Яармагийн замын ажил 11 сард дуусна

“Гудамж” төслийн хүрээнд хийгдэж байгаа зам, уулзваруудын өргөтгөл шинэчлэлийн ажил эрчимтэй өрнөж байна. Өнөөдрийн байдлаас гэмтлийн эмнэлгээс уруудсан замыг I хорооллын арын замтай холбосон шинэ уулзварын ажил 53 %, 25 дугаар эмийн сангийн урд уулзварын өргөтгөл шинэчлэл 75.2 %, Циркийн арын уулзварын өргөтгөл шинэчлэл 45 %, “Атар Өргөө” ХК-ийн урдаас Яармагийн гүүр хүртэл 2.2 км замын өргөтгөл 45 % , Моносын уулзвараас Нисэх-Яармагийн уулзвар хүртэл 5.5 км замын өргөтгөл 20 хувьтай явж байна. Дээрх замуудыг 10 сарын 10 гэхэд ашиглалтад өгөх аж. Харин Моносын уулзвараас Нисэх-Яармагийн уулзвар хүртэл 5.5 км замын өргөтгөлийн ажил 11 сарын 18-нд дуусах юм байна.