МҮОНР-ийн 80 жилийн ой ирэх онд болно

Монголын үндэсний олон нийтийн радиогийн 80 жилийн ой ирэх оны есөн сарын 1-нд тохионо. Анх 1934 оны 5 сарын 1-нд Улаанбаатарт “Анхаараарай, Анхаараарай Радио хорооноос ярьж байна” гэж эхлэн, энэ оныхоо 9 сарын 1-нд орон даяар радио нэвтрүүлэг цацагдсан түүхтэй.

Монголын радио өнөөдөр 150 шахам уран бүтээлч, инженер техникийн ажилтнуудтай, орон даяар төрөл бүрийн насны ангилал, ажил мэргэжлийнхэнд зориулан өдөр бүр 17 цагийн мэдээ, хөтөлбөр, нэвтрүүлэг явуулж 5 хэлээр гадаадад нэвтрүүлгээ хүргэж байна. Мөн 2, 3-р сувгаар цэнгээнт хөтөлбөр, мэдээлэл хүргэдэг. Энэ талаар Монголын үндэсний олон нийтийн радиогийн захирал Л.Цэрэн-Очиртой уулзлаа.