МҮОНРТ-ийн ажилчдын шилдгийн шилдэг зураач хүүхдүүд шагналаа гардлаа

МҮОНРТ-ээс “Олон улсын хүүхдийн эрхийг хамгаалах өдөр”-ийг тохиолдуулан уламжлал ёсоор байгууллагынхаа ажилчдын хүүхдүүдийн дунд гар зургийн уралдааныг зургаа дахь жилдээ зохион байгуулж, өнөөдөр шагналаа гардууллаа.

Энэ жилийн хувьд 3-8 насныхан “Миний гэр бүл”, 9-12 насныхан “Миний мөрөөдөл” сэдвийн дор бүтээлээ ирүүлсэн юм.

Ингэхдээ 3-5, 6-8, 9-12 насны ангилалд бүртгэхэд 105 хүүхдийн 129 бүтээл цугласан байв.

Шагналыг “Цагаан лавай” студид гардуулсан агаад үүнийг МҮОНР-ийн захирал Г.Батзаяа, “MNB Sport” сувгийн захирал Ц.Лхагвадаш, МҮОНРТ-ийн хөгжлийн газрын захирал Т.Батзориг нар гардуулсан юм.

Ийнхүү байр эзэлсэн хүүхдүүдийн нэрсийг танилцуулья.

3-5 нас

1-р байр Г.Дэлгэрмаа /ОНТ, Н.Байгалмаагийн охин/

2-р байр Ц.Сондор-Эрдэнэ /ТТ, Ц.Цэрэнбаатарын охин/

3-р байр М.Ариунаа /Үйлчлэгч Б.Энхжаргалын зээ охин/

6-8 нас

1-р байр Л.Мөнхбат /ТТ, Ц.Баярмаагийн хүү/

2-р байр Г.Ганганбайгаль /ОНТ, Я.Ганганболдын охин/

3-р байр З.Номинжаргал /ИБАА, З.Зоригтбаатарын охин/

9-12 нас

1-р байр Ц.Цэрэнханд /ОНР, Д.Баясгалангийн охин/

2-р байр Ч.Билгүүдэй /ОНТ, Б.Ариунаагийн хүү/

3-р байр З.Хүслэн /ОНТ, Б.Дарьсүрэнгийн хүү/

Шагнал гардуулах ёслолын үеэр “Улаан бүч” чуулгын уран бүтээлч хүүхдүүд ая дуугаа өргөсөн юм.

Уг арга хэмжээг МҮОНРТ-ийн хүний нөөцийн албанаас анх санаачилсан билээ. Сонирхуулахад өнгөрсөн жил “Миний ертөнц” сэдвийн дор болоход 60 гаруй хүүхэд 90 гаруй бүтээлээ өрсөлдүүлж байв.