Н.Төгсцогт Д.Банди агсны хөргийг өмсгөлдөө байршуулжээ

Мэргэжлийн боксын тамирчин Н.Төгсцогт нөгөөдөр ээлжит тулаанаа хийнэ. Түүний энэ удаагийн өрсөлдөгч нь 34 настай Колумб боксчин Оскар Эскандон юм.

Тэдний тулаан АНУ-ын Миссиссиппи мужийн Билокси хотын Beau Rivage Resort & Casino-д болно.

Тэгвэл тулааны өмнө Н.Төгсцогт өөрийн шинэ өмсгөлөө танилцуулсан нь ихэд анхаарал татаад байна.

Учир нь тэрбээр өмсгөлийнхөө энгэрт дасгалжуулагч багш Д.Банди агсны хөргийг залжээ. Ийнхүү тэрбээр багшдаа хүндэтгэл үзүүлж буй нь энэ аж.