Найрал хөгжимчид П.И.Чайковскийн “аварга” бүтээлүүдийн хоёрыг тоглох нь ээ
Найрал хөгжимчид суут хөгжмийн зохиолчийн “Оргилуун” хэмээн тодотгосон зургадугаар симфонийг олон жилийн өмнө маэстро, Урлагийн гавьяат зүтгэлтэн Н.Бүтэнбаярын удирдлагаар сонсогчдодоо хүргэсэн байна.
Мэдээллийн алба
Улсын филармонийн симфони найрал хөгжимчид шинэ оны анхны уран бүтээл П.И.Чайковскийн зургадугаар симфони болон “Ромео, Жульетта” уран зөгнөлт удиртгалыг тоглоход бэлэн болжээ. Тоглолт цаг хагас үргэлжлэх бөгөөд төгөлдөр хуурч, “Virtuoso academy”-ийн тэргүүн М.Цогбадрах тайлбарлаж хөтөлнө.
Найрал хөгжимчид суут хөгжмийн зохиолчийн “Оргилуун” хэмээн тодотгосон зургадугаар симфонийг олон жилийн өмнө маэстро, Урлагийн гавьяат зүтгэлтэн Н.Бүтэнбаярын удирдлагаар сонсогчдодоо хүргэсэн байна.
Хөгжмийн зохиолч уг бүтээлээ 1893 оны хоёрдугаар сард туурвиж эхлээд, наймдугаар сард дуусгасан бөгөөд хоёр сарын дараа Петербургт өөрөө удирдан тоглуулжээ. Суут хөгжмийн зохиолч амьдралын баяр баясгалан хийгээд зовлон гуниг, улмаар үхлийн ч тухай өгүүлэх мэт яруу симфонийнхоо нээлтийн тоглолтыг сонсогч түмэндээ хүргэснээс ес хоногийн дараа энэ хорвоог орхижээ.
