“Намаг” киноны нээлт болно

“Хамба” фильм студийн захирал, найруулагч Б.Ганболд “Тэнгэрийн андгай”, “Тэнгри”, “Орхидос”, “Улаан дөрвөлжин”, “Хоёр амь” зэрэг киног үзэгчдэд хүргэсэн. Тэгвэл удаах уран бүтээлээ “Намаг” нэртэйгээр энэ сарын 14-нөөс үзэгчдийн хүртээл болгох гэж байна.

“Намаг” киноны дүрүүдэд Монгол Улсын гавьяат жүжигчин, “DOZ” энтертайнментын найруулагч, жүжигчин Ш.Доржсүрэн, Төрийн шагналт, жүжигчин Ц.Төмөрбаатар, УДЭТ-ын жүжигчин О.Гэрэлсүх, жүжигчин Б.Бямбасүрэн, Н.Мөнхсоёл, Д.Оюунзул, Э.Пүрэвжаргал, Д.Ганцэцэг нар тогложээ.

Найруулагч Б.Ганболд эл уран бүтээлээрээ үзэгчдийг “толинд харуулах”-ыг хүссэн бөгөөд киноныхоо нээлтэд ирсэн зочдод эл киногоо найруулагчийн хувилбараар үзүүлэх бол кино театруудад арай өөрөөр гаргах аж.