Нөөцийн махыг 12 сарын сүүлчээр худалдаанд гаргана

Манай улс энэ жил 14 мянган тонн мах нөөцөлсөн. Харин нөөцийн махыг 12 дугаар сарын 25-наас эхлүүлэхээр шийдвэрлэжээ. Ингэхдээ өмнө нь байгуулсан гэрээт 350 цэгээр борлуулах аж. Улаанбаатар хотын хэрэглэгчдэд 12 мянган тонн махыг “Эй Эн Ди Эм”, “Баатрууд тэнгэр” компани, Дархан-Уул аймгийн 1000 тонн махыг “Дархан меат фүүдс”, Орхон аймгийн 1000 тонн махыг “Эрдмит” компани шалгарсан байна. Өнгөрсөн жилийн нөөцийн махыг оройтож худалдаанд гаргасан нь борлуулалта д нөлөөлсөн учраас энэ жил ийнхүү эртнээс худалдаалахаар шийдвэрлэжээ. Түүнчлэн өмнөх жилүүдэд нөөцийн гулууз махыг гудамжинд машин дээрээс зардаг байсныг болиулж энэ жилээс хүнсний захуудын нөөцийн мах борлуулах цэгээр борлуулахаар болжээ.