Обама Олимпийн нээлтийн ажиллагаанд оролцохгүй

АНУ-ын ерөнхийлөгч Барак Обама Рио деЖанейро хотод болох XXXI дэх удаагийн зуны олимпийн нээлтэд оролцохгүй гэдгээ албан ёсоор мэдэгдлээ. Түүний оронд АНУ-ын төлөөлөгчдийн багийг тус улсын Төрийн нарийн бичгийн дарга Жон Керри ахална. АНУ энэ удаагийн зуны олимпийн наадамд хамгийн олон (555) тамирчин илгээж байгаа орон юм.

Олимпийн их наадмын нээлтийн ажиллагаанд дэлхийн олон улс орны төрийн тэргүүн нар хүндэт зочноор уригдан оролцож, өөрийн улс орны баг тамирчидтай уулзаж, урам зориг өгдөг уламжлалтай.