Одой циркчид 10-25 мянган төгрөгөөр тоглоно

Монголын үндэсний циркийн урилгаар дэлхийд алдартай одой циркчид Монголын манежнаа зочлох гэж байна. Циркийн бүхий л төрлийн үзүүлбэрийг багтаасан “Бяцхан оддын гайхамшиг” тоглолт тавдугаар сарын 25-наас зургадугаар сарын 2-ныг хүртэл үргэлжлэх юм байна.

Дэлхийд ганцхан одой циркчид 20 жилийн тэртээ Монголын үзэгчидтэй уулзаж байсан юм. Энэ удаад 35 хүний бүрэлдэхүүнтэй баг баавгай, нохой, хонь, ямаа гээд 20 гаруй төрлийн амьтны хамт хүрэлцэн ирж, Монголын циркчидтэй хамтарсан тоглолтоо толилуулах гэнэ. Тус тоглолтын тасалбарын үнийн хувьд 10-25 мянган төгрөгийн үнэтэй байх нь ээ.