Ойн хөнөөлт шавжийн голомтыг хязгаарлахаар тэмцэж байна

Өчигдрөөс нийслэлийн ногоон бүс болох Бэлх, Сэлхийн аманд авиамикробиологийн аргаар тэмцлийн ажил хийж эхлээд байна.

2023 оны зургаадугаар сарын 9-16-ны өдрүүдэд нийслэлийн ногоон бүс болох Бэлх, Сэлх, Улиастайн ам, Богдхан уулын дархан цаазат газар, Горхи Тэрэлжийн байгалийн цогцолбор газрын ойн санд авиамикробиологийн аргаар ойн хөнөөлт шавжтай тэмцэх тэмцэл үргэлжилнэ.

Тэмцлийн ажилд ашиглах бактерийн био бэлдмэл нь хүн, амьтан болон бусад биологийн төрөл зүйлд сөрөг нөлөөгүй, зөвхөн ойн хөнөөлт шавжид сонгомол үйлчилгээтэй бодис юм.

Иргэд, олон нийтийг дээрх өдрүүдэд ойн санд онцын шаардлагагүй бол зорчихгүй байхыг Засгийн газрын хэрэгжүүлэгч агентлаг Ойн газраас сэрэмжлүүлж байна.